Minister Xiomara Maduro: Ley pa regula competencia husto a keda aproba unanimamente pa Parlamento di Aruba

ORANJESTAD – Diaranzon ultimo Minister di Finansa, Asuntonan Economico y Cultura tabata na Parlamento pa atende cu e ley pa regula competencia husto na Aruba. Esaki ta un ley cu ta mira lus dia dia despues di mas di 12 aña di preparacion. Ya fo’i aña 2008 a cuminsa haci e preparacionnan necesario pa e ley aki cu mester caba cu e competencia inhusto fomenta pa formacion di cartel, maluso di posicion di poder y dominancia di concentracion grandi di negoshi, na beneficio di e consumidor. Na 2012 a sigui cu e trabounan y na 2013 e ley tabata cla pa wordo trata den Parlamento, pero no a yega debate publico. Na momento cu Gabinete Wever-Croes a drenta gobernacion a haci e trabounan necesario pa asina e ley aki por a wordo saca fo’i lachi y pa asina e por wordo trata. Diaranzon mainta e ley a wordo aproba unanimamente pa Parlamento di Aruba y awor e trabounan por inicia pa e organo di control Aruba Fair Trade Authority por bira un realidad. Minister Xiomara Maduro ta gradici tur hende cu a traha tur e añanan cu a pasa riba e proyecto aki y ta gradici specialmente Departamento Economico pa nan trabou incansable pa awe e ley aki por a keda aproba unanimamente pa Parlamento di Aruba.

Share:

Leave a Reply

Your email address will not be published. Required fields are marked *