Chauffeur pata pata burachi y pishi deteni na Paraguana despues di cu su auto a keda pega memey piedranan na Soledad

Dialuna anochi a drenta informe di un accidente entre e hanchinan na Soledad, mesora a dirigi un patruya na e sitio. Na Paraguana un tiki prome cu polis a yega na Soledad polis a mira un persona ta cana zig zag bayendo panort pero polis a sigui bay pa e auto. Na su yegada na e auto a mira cu e auto a keda pega memey di e piedranan pero e chauffeur mes a bandona e sitio. Esey a pone e polisnan asumi cu e chauffeur lo por ta e persona canando bay nort na Paraguana y nan a bira bay bek na e direccion ey. Yegando unda e homber ta polis a nota cu e tipo tabata pishi riba tereno di un cas eynan y mesora a acerke y a nota cu e ta burachi y tabata tin e yabi di un auto cun’e y a detene pa buracheria riba caminda publico y a confisca e yabi. A pidi e vehiculo di transporte pa bin busca e homber. Unabes e vehiculo di transporte a buske e agentenan a bay na e sitio unda e auto ta. Eynan a test e yabi y esaki a cuadra cu e auto. A pidi takelwagen pa kita e auto cu a keda parcialmente riba caminda.

Share:

Leave a Reply

Your email address will not be published. Required fields are marked *