Ciclista a spanta y a core drenta Zeerovers ora 2 auto tabata siguie y un di nan a punta algo color nickel den su direccion!

Diamars atardi a drenta informe di cu tin un situacion reinando unda despues di cu un persona a nota 2 vehiculo ta core su tras e persona a yega baha na Zeerovers y a sconde eynan pa bati alarma y segun e persona ey e hendenan cu lo ta siguiendo e supuestamente lo ta arma, mesora a dirigi patruyanan di Sanicolas y di trafico cu ta na Balashi. NA yegada di e patruya a bin compronde cu aki ta trata di un ciclista cu tabata bayendo su cas y a nota pa basta rato un Kia Sportage color silver y un Nissan March color biña ta siguiendo e y na dado momento e persona den e Sportage a punta algo color nickel den su direccion y ela spanta. Pesey ela core drenta Zeerovers pa bati alarma. Pero polis no a mira ningun di e 2 vehiculonan na e sitio y e ciclista no sa cual direccion e vehiculonan lo a bay. POlis a tuma e numbernan di e vehiculonan y a pasa e informacion aki pa recherche.

Share:

Leave a Reply

Your email address will not be published.