Chauffeur cu a perde control dal palo di lus kibra na Camacuri a core cu e auto te na Buenavista!

Polis a detene e chauffeur cu a hit and run!

Diasabra madruga a drenta informe di cu un auto lo dal un palo di lus kibra na Camacuri y a sigui core bay for di e sitio, mesora a dirigi patruyanan na e sitio y tambe direccion pariba.Despues a drenta informe di cu e auto kibra aki a ser mira na Buenavista coriendo haciendo boroto banda di garage di “Peppep”. Ey dilanti por a nota un Honda Civic shinishi na werki cu net e chauffeur ta baha for di e vehiculo. Mesora polis a detene e chauffeur pa core auto bao influencia, ocasiona un accidente y bandona e sitio di accidente. Investigacionnan haci na e sitio a indica cu e chauffeur na Camacuri bayendo pariba a perde control baha caminda na man drechi y di banda a bay dal e palo di lus kibra lagando esaki memey caminda formando peliger pa trafico. Afortunadamente ningun hende a resulta herida.

Share:

Leave a Reply

Your email address will not be published. Required fields are marked *