Señora bao influencia a dal un cura di cas na Rooi Bosal baha piki pieza y bay for di e sitio!

Diaranzon atardi a drenta informe di un accidente na Rooi Bosal, mesora a dirigi un patruya na e sitio. Na caminda pa e sitio a drenta un otro informe di cu ta un auto lo a dal un cura y e chauffeur a baha y ta piki pieza pa asina probablemente e bandona e sitio. Na yegada di e patruya a nota cu e auto cu a accidenta a bandona e sitio. For di testigonan a bin compronde cu aki lo ta trata di e Toyota Yaris preto A74497 cu tabata bini di pabao y a perde control den e birada a baha caminda dal riba e cura di cas. E habitantenan a nota un señora cu lo tabata mustra bao influencia cu a baha piki e piesanan. E dama chauffeur despues di a piki tur e piezanan a subi auto y a bay for di e sitio. E testigonan na e sitio a logra saca foto di e auto y e number pa asina pase pa polis pa asina sa ken a causa e daño na e cas.

UPDATE: mas den oranan di anochi un persona a presenta na Warda di polis di Trafico na Balashi pa responsabilisa su mes pa e accidente aki.

Share:

Leave a Reply

Your email address will not be published. Required fields are marked *