Bao vigilancia y severamente arma 2200 Kilo di Cocaina den mas cu 80 bulto aser kima awemainta riba tereno di Citgo

E droga cu a keda confisca riba e TugBoat Gracia a ser kima. Tin un investigacion Internacional andando rond di e droga descubri pa autoridad di Aruba.

Ta un total di 2200 Kilo di Cocaina den mas cu 80 bulto. E droga a trip di un lugar pa otro y causa hasta problema den cuerpo policial. A saca e droga for di Mariniers Kazerne pa warda di Polis y djey a bolbe hibe Kazerne bou vigilancia estricto. Asina a yega e momento pa prepara y marduga a drenta e tereno di e refineria.

Te na e parti pabou den e area di Zeewijk a hiba e droga. Eynan bou vigilancia di polisnan arma cu Riot Team di pafo na gate te paden a logra kima e droga cu e seguridad necesario. Huma preto a activa Team di Prensa. A yega y topa e miembornan di Riot Team y Recherche na entrada. Paden Militarnan tambe tabata envolvi pa asina por a hiba e droga hunto cu Team di Aresto fuertemente arma te na e sitio pa kima esaki.

Fiscal y Huez Comisario tambe a presenta y asina nan tabata testigo di e cantidad di droga cu a ser kima. No tabata facil pa nos por a yega na e sitio pero riba un distancia a capta algun movecion di e proceso cu e huma y fiscalnan y huez comisario saliendo cu escolta di Arestatie Team.

Share:

Leave a Reply

Your email address will not be published. Required fields are marked *