Dama bao influencia ta inventa accidente na Linear Park den oranan di marduga

Diadomingo marduga a drenta informe di un accidente hit & run riba e parkeerplaats di Linear Park, mesora a dirigi patruya na e sitio. Na yegada di e patruya a bin topa cu un dama bao influencia cu a declara cu un auto lo a dal su vehiculo y bandona e sitio. Segun investigacion haci na e sitio a indica cu no ta un auto a dal e dama su vehiculo sino e dama chauffeur mes a dal su auto un caminda causando e danjo. Forensys a yega na e sitio y a compila nan rapport di e danjo na e vehiculo di e dama. A pidi vehiculo di transporte na e sitio pa por a duna e dama cu lenga pisa un lift pa cas na Tanki Leendert y a dune un prohibicion pa core e auto debi na su condicion bao influencia.

Share:

Leave a Reply

Your email address will not be published.