Minister Xiomara Maduro a reuni cu ehecutivonan di APFA

E fondo su grado di cobertura ta suficiente

ORANJESTAD – Awemainta Minister Maduro a reuni cu ehecutivonan di e fondo di pensioen APFA. E fondo tambe a keda afecta a consecuencia di COVID19, pero ya caba a cuminsa recupera di e daño. E grado di cobertura a baha, pero pa fin di juni a yega bek na un cobertura netto di 103% cu ta e nivel di cobertura na comienso di aña 2020. Pa mitiga e consecuencia financiero di COVID19 pa e participantenan di e fondo, APFA tambe a yuda dunando dispensacion di pago di hypotheek y a duna 50% bek di interes na e participantenan. Pa futuro APFA a indica cu lo kier sigui cu proyectonan den cual ta haci inversion local den desaroyo di comunidad por medio di vivienda pagabel.

Share:

Leave a Reply

Your email address will not be published.