Dialuna mainta a drenta informe di cu tin un persona indesea den un Nissan March preto cu a bay molestia un dama na Rooi Bosal, mesora a dirigi un patruya na e sitio. Na yegada di e patruya a bin compronde cu e aki ta trata di un ex cu a bay molestia e dama pero na e momentonan ey e no tabata presente. E dama a laga sa cu e ex- tabata maltrat’e bastante den pasado pesey ela lague pero awor ta acos’e. Polis a avisa e dama cu si e tipo bolbe avisa mesora y nan lo bini. Un rato despues e homber a regresa y polis a bolbe bay na e adres. Yegando na e adres e homber a nota polis y a sali core bay lagando su auto atras y un sobrino di dje den e auto motor cendi. Mientrastanto a pidi pa refuerzo pa asina busca e tipo den e area. Un bisiña a nota cu ora e homber a core bay ela mira algo manera un arma di candela na su barica scondi. Un rato despues e homber a regresa y polis a logra gar’e y a detene.
