Dialuna anochi a drenta informe di un accidente hit & run na altura di rotonde Tarabana, mesora a dirigi un patruya na e sitio. Na yegada di e patruya nan a bin compronde cu tabata tin un scooter ta hasi fever riba caminda y e a perde control baha caminda dal un dama peaton. E dama a cay abao debi na e impacto pero a logra lanta y cana riba su pianan, e tabata levemente herida y a bai hospital cu un auto particular.
