Pareha cu no ta confia justicia a tuma ley den nan man y a bay sera pa destruccion y maltrato!

Esaki pa un comentario fey sla riba facebook den direccion di nan yiu

Diamars mainta a drenta informe un poco confuso unda tabata papia di atraco na un adres na Opal, mesora a dirigi varios patruya na e sitio. Na yegada di e patruyanan a bin compronde cu aki lo no ta trata di atraco pero destruccion y maltrato unda hendenan conosi (un pareha) pa e victima a presenta y comete destruccion y maltrato y despues a bandona e sitio. Polis mesora a bay na e cas di e pareha sospechoso aki y a detene nan y a bay cu nan na warda y a confisca un vehiculo tambe. Locual cu a pasa mes ta cu e pareha a tuma ley den nan man ora cu nan segun nan pensamento justicia no lo actua. E asunto ta cu un ciudadano di mayor di edad a comenta algo riba facebook di yiu di e agresornan y e comentario aki segun e pareha no ta pas y ta cualifica e victima como “pedofil” y como cu justicia lo no ta actua e pareha mes a bay na cas di e victima y a comete destruccion y maltrato.

Share:

Leave a Reply

Your email address will not be published.