Diadomingo atardi a drenta informe di un caso di maltrato den St. Christoffelbergweg na Sanicolas, mesora a dirigi patruya na e sitio. Na yegada di polis na e sitio a papia cu un dama cu a declara cu despues di un argumento e su pareha lo mester benta na vloer y choke como tambe dal e den su cara. Polis por a nota cu e dama tabata mustra hopi golpea na su cara y a pidi pa ambulans bini na e sitio. Na yegada di ambulans na sitio a atende cu e dama na e sitio mes. Mientrastanto vehiculo di transporte a ser pidi na e sitio pa e homber cu a keda deteni pa e acto di maltrato riba e dama. E dama no a desea di entrega keho y a opta pa bay cu auto particular pa Centro Medico.
