Intermediacion na Tierra del Sol a termina cu detencion

Dama security den un forma grosero y inacceptable a core cu nos colaborador for di e sitio!

Dialuna atardi a drenta informe di un peticion pa polis intermedia den un asunto na Tierra del Sol, mesora a dirigi un patruya na e sitio. Na yegada di e patruya nan a intermedia den e asunto pero e situacion a bolter unda cu detencion a cay. Mucho informacion nos no a logra ricibi ya cu un dama fungiendo como security a core cu nos colaborador for di e sitio na mal ordo comosifuera ta cacho nos ta. Ni siquiera por a duna nos un chance pa puntra nada y for di leu mustrando cu nos colaborador mester a sali for di e propiedad. Semper nos a cumpli cabalmente cu Tierra del Sol cu tur nan comunicadonan y invitacionnan pa cubri eventonan, na diferente ocasion nos a bay cubri susesonan na Tierra del Sol sin ningun restriccion semper prensa por a drenta na cualkier momento hasta tempo cu e pareha real tabata hospedando eynan. Nos no sa si ta maneho nobo esaki ta of no pero esaki no ta nada bon. Na diferente biaha nos colaborador mes a bay come cu su casa y yiunan na e sitio pero cu actitudnan asina no ta acceptable. Den transcurso di dia lo tuma contacto cu gerencia di Tierra del Sol pa saca afor e motibo y pakiko e forma desproporcional di actua riba un persona di prensa. Pa locual ta e suseso y e motibo di detencion mes nos a tuma contacto cu vocero policial pero te oranan laat no a logra haya nada di esaki.

Share:

1 thought on “Intermediacion na Tierra del Sol a termina cu detencion

Leave a Reply

Your email address will not be published. Required fields are marked *