Minister Xiomara Maduro ta informa: E siman aki Gobierno ta logra paga Subsidio di Salario y Sosten Financiero na respectivamente 1018 y 1606 compania

Apesar cu e fianza fo’i Hulanda no a yega ainda

ORANJESTAD – E siman aki Gobierno di Aruba ta logra paga Subsidio di Salario na un total di 1018 compania cu a haci un peticion pa yudansa financiero pa paga salario na 10566 trahador. E suma envolvi ta 16,5 miyon florin. E siman aki tambe Gobierno ta paga e suma di 4000 florin di Sosten Financiero na un total di 1606 Negoshi Chikito y Mediano di 1 te cu 50 trahador, cu a haci un peticion pa e yudansa financiero aki cu Gobierno ta brinda cada kwartaal. E suma envolvi ta 6,4 miyon florin. Pues en total Gobierno ta yuda e companianan cu un inyeccion financiero di 22,9 miyon florin e siman aki.

Gobierno te ainda ta den deliberacion cu Hulanda riba e condicionnan cu ta wordo impone pa asina Aruba por dispone di e fianzanan necesario pa por cubri Aruba su necesidad di likidez y tambe pa por ofrece e Susbsidio di Salario na companianan. Pero pa yuda economia di nos Pais y pa companianan y trahadornan por tin e paz mental necesario den e momento di crisis aki, Gobierno a haci un ehercicio interno pa asina percura pa e fondonan necesario por ta disponibel pa paga e Subsidio di Salario y e Sosten Financiero na e companianan.

Share:

1 thought on “Minister Xiomara Maduro ta informa: E siman aki Gobierno ta logra paga Subsidio di Salario y Sosten Financiero na respectivamente 1018 y 1606 compania

Leave a Reply to M.C Cancel reply

Your email address will not be published. Required fields are marked *