Polis a bay pa un auto sospechoso y a topa cu un menor ta prostitui su mes y e chauffeur mes a core bay laga yabi den auto!
Diaranzon mey anochi a drenta informe di cu tin un auto sospechoso para den Gravenhorststraat, mesora a dirigi un patruya na e sitio. Na yegada di e patruya a bin encontra cu un auto Toyota Passo blanco y den dje un mucha muher menor di edad. Na prome instante e mucha a bisa di ta cu su pareha y esaki a core drenta mondi. E homber lo a sali core bay laga e yabi den e auto net ora ela mira polis ta yega. Polis a papia cu e menor y esaki a bisa cu e no sa “su pareha su nomber pero e sa si cu e faam ta “T.” y e no sa pakiko su pareha a core bay. Polis cu no a confia e cos mucho y a haya esaki dudoso y bisa cu ta peligroso un menor su so den e oranan ey riba caya y a bay hib’e su cas pa su mesun seguridad. Na yegada na su cas e mucha a basha abao cu e ta bende su curpa pa haya placa. Polis a papia severamente cun’e di e peligernan cu esey por trese cun’e y a avisa slachtoffer di e caso lamentable aki.
