Chauffeur a perde control dal riba e barancanan dilanti airport lagando e Toyota Yaris na werki!

E chauffeur y ocupante herida a bay cu auto particular pa hospital.

Diadomingo madruga a drenta informe di un accidente basta serio riba e caminda grandi dilanti di airport, mesora a dirigi un patruya na e sitio. Na yegada di e patruya a bin encontra cu un testigo cu a declara cu 2 persona a subi den un Nissan March y a bandona e sitio. Eynan polis a nota cu e Toyota Yaris blauw A37251 tabata direccion pariba cu velocidad basta halto y a perde control baha caminda bay dal den e barancanan banda di caminda. Polis a nota cu esun(nan) cu tabata den e auto lo mester a resulta herida a consulta cu Centro Medico pero ningun hende a yega eynan pero ora a check na hospital a bin haya e chauffeur y un ocupante cual ambos tabata sperando atencion medico.

Share:

Leave a Reply

Your email address will not be published.