Sociaal Economische Raad (SER) a entrega 4 conseho na gobierno

Ariba 1 di maart 2020, e miembronan nobo di e constelacion di SER a wordo
instala.
SER ta un organo di deliberacion y conseho, cu tin e responsabilidad pa vocifera
su opinion y recomendacionan na gobierno encuanto diferente temanan riba
tereno social y/of economico, sea riba peticion di un of mas ministers of riba
iniciativa propio. E Raad, ta consisti di tres partido igualmente reparti, esta tre s
representante di organisacionan sindical, tres representante di organisacionan di
dunado di trabao y tres experto independiente apunta door di gobierno cual ta
suma un total di 9 miembro. Alaves e Raad tin 9 miembro suplente cu ta
reemplasa e miembronan fiho ora esakinan haya nan mes impedi di asisti na un
reunion.
Pa cu e ehecutacion di su tarea, e Raad ta dispone di un Secretario General cu ta
na cabes di e Secretariado di SER consistiendo di un staf di beleidsadviseurs.
E Secretariado ta percura pa suministra e Raad di tur informacion y datos (basa
riba investigacion y analisis) necesario pa por yega na un conseho.
E constelacion nobo di SER ta consisti di e siguiente personanan:
Miembronan Fiho
Representantenan di organisacionan di dunado di trabao
 Sra. Tisa LaSorte (representante di AHATA), como voorzitter nobo di SER
 Sra. Gina Habibe (representante di ATIA)
 Sr. Anthony Croes (representante di Kamer van Koophandel)
Representantenan di organisacionan Sindical
 Sra. Gina Maduro (representante di ABV)
 Sra. Josefina Albertus (representante di SIMAR)
 Sr. Hose Figaroa (representante di FTA)
Miembronan independiente
 Sra. Ava Thode (experto ariba tereno di enseñanza)
 Sra. Christie Mettes (experto ariba tereno di sostenibilidad duradero y
innovacion)
 Sr. Stanley Heinze (experto ariba tereno social), como plaatsvervangend
voorzitter nobo di SER
L.G. Smith Boulevard 134 , Oranjestad, Aruba
Telefoon: (297) 583-2713
Fax: (297) 5838956
E-mail: info@ser.aw
www.ser.aw

Miembronan Suplente
Representantenan di organisacionan di dunado di trabao
 Sra. Maura Brown (representante di AHATA)
 Sra. Monica Kock (representante di Kamer van Koophandel)
 Sr. Ronnie van Trigt (representante di ATIA)
Representantenan di organisacionan Sindical
 Sra. Mendy Lo-A-Njoe (representante di ABV)
 Sr. Anthony Figaroa (representante di SIMAR)
 Sr. Hubert Dirks (representante di FTA)
Miembronan independiente
 Sra. Glenda Gil (experto ariba tereno social)
 Sra. Erik Mijts (experto ariba tereno di enseñanza)
Recientemente SER a haci entrega di 4 conseho na gobierno, riba diferente
temanan den e areanan social, economia y finanzas publico. Un di e consehonan
tabata basa riba peticion di gobierno y e otro tresnan riba propio iniciativa
(‘ongevraagd’) di SER mes.
E siguiente rapportnan/consehonan a ser entrega:
Stimuleren van het vrijwilligerswerk ter vergroting van sociaal kapitaal
E rapport aki di SER, ta primeramente defini y describi trabao boluntario y alaves
e importancia di esaki pa cu capital social. Finalmente e rapport aki ta duna
recomendacionan di con pa stimula trabao voluntario na Aruba.
Economiseren binnen het overheidsapparaat: versie 2
Aki ta trata di un version actualisa di un conseho di SER for di 2014 caminda
SER ta conseha gobierno di ki manera y na unda den funcionamento di e aparato
gubernamental por wordo economisa, esta baha gasto y/of subi entrada.
Acties ten behoeve van het implementeren van een Circulaire
Economie op Aruba
Cu e rapport aki SER un biaha mas kier subraya e importancia di bai for di un
economia linaer pa un economia circular. Ya caba na 2017 SER a saca un rapport
ariba e tema aki. Den e rapport nobo aki, SER ta duna consehonan adicional na
Gobierno pa cu e tema aki den e areanan di energia, awa y maneho di sushi.
Introductie van een tijdelijke loonsubsidieregeling
Ariba peticion di Gobierno, SER ta duna un conseho riba introducion temporario
di un loonsubsidieregeling via un landsverordening. Den e conseho aki SER ta
duna su punto di bista ariba e diferente aspectonan di regeling aki.
Rapportnan/consehonan di SER ta disponibel pa publico ariba e website di SER
www.ser.aw. Pa mas informacion tocante e trabao di SER y/of su
rapportnan/consehonan por bishita e website www.ser.aw of tuma contacto na
telefon 583-2713 of via e email info@ser.aw.
Sr. drs. Felix R.E. Bijlhout
Secretario General
Sociaal Economische Raad (SER)
Diahuebs, 6 augustus 2020

Share:

Leave a Reply

Your email address will not be published. Required fields are marked *