Ing. R. Scoop ta e comandante nobo di e cutter Panter na e punto di apoyo di guarda costa na Aruba desde 10 di augustus 2020, Scoop a inicia na guarda costa desde november 2015 unda cu ela sigui un ruta di 5 aña pa converti su mes un comandante. Den Guarda Costa ela ocupa varios funcion na Aruba, Corsow y St. Maarten, incluyendo e puesto di oficial mayor di edad y, posteriormente, como comandante suplente riba e cutter Puma na St. Maarten. Na fin di 2017, Scoop, despues di Guarda Costa na St. Maarten despues di e pasada di horcan Irma, ela traha pa un perioso na e Centro di Rescate y Coordinacion na Corsow. Aki ela conose mihor e Organizacion di Guarda Costa. Scoop tambe a sigui varios curso durante su trayectoria, e curso pa oficial extraordinario de polis (BAVPOL) cual tabata un di esunnan mas importante. Scoop semper a ambiciona un posicion den e mundo maritimo. Despues di a obtene su diploma di educacion secundario na Aruba, ela sigui rumbo pa e formacion maritimo na Hulanda y a logra obtene su “Licenciatura den Operacionnan Maritimo” den 2015 na e Instituto Marítimo Willem Barentsz, Terschelling, un institucion di renombre pa e sector maritimo. Durante su curso di formacion ela sa di reuni y a adquiri experiencia cu su futuro campo di trabao den asignacionnan practico y emocionantetanto na Hulanda como den exterior. Por ejempel, ela cumpli cu su periodos di pasantia como aprendiz cu organizacionnan grandi como oficial maritimo den Allseas, Maersk y e Autoridad Portuario di Aruba.
Durante e reciente ceremonia, Kapt. R. Paskel, Jefe di e Punto de Apoyo di Guarda Costa di Aruba a bisa den su discurso “e punto di apoyo ta hopi contento cu e perseverancia di Scoop. E tin e confianza di cu Scoop lo haci un bon trabao pa Guarda Costa. E cooperacion ta hopi importante y por conta cu nos apoyo y di Guarda Costa den e Area di Caribe. Felicitaciones cu e nombramento aki y nos ta desea abo hopi exito”, e Jefe di punto di apoyo a bisa. Sr. M. Solognier, Jefe di Operacionnan di Guarda Costa di Aruba y ex comandante di e cutter Panther, a bisa tambe cu e tin fe den e trabao di Scoop y ta desea Scoop hopi exito den e desafio nobo aki.
Despues di e discurso, Scoop a hiba palabra na su asistentenan, “awe ta un honor pa mi ta para dilanti bosonan como e comandante di e cutter Panther di e punto di apoyo di Aruba. Mi ta hopi agradecido pa e ocasion aki y mi ta cla pa e capitulo nobo aki den mi bida”.
“Animo pa e jovennan interesa den e mundo di e busqueda maritimo pa nan presenta nan mes na Guarda Costa, continua cu boso formacion inicial y sigui pa despues bo por bisa cu orguyo Mi ta Guarda Costa y mi tin un trabao desafiante, Fuerte Hunto”. Guarda Costa den tur e zona Caribense ta desea Scoop hopi suerte cu su encargo nobo.
