CUERPO POLICIAL TA INFORMA

Dialuna anochi pa mas o menos 10:50 central di polis ta wordo notifica di un atraco cu lo a tuma lugar riba Pichicho Takeaway situa na Sta Helenastraat. E patruya cu a yega na e sitio ta wordo informa door di e personanan den e lugar cu 2 hende homber cu capuchon preto bisti lo a drenta cu un arma di candela y atracanan.
Nan lo a bay cu e caha di placa cu lo tabata tin mas o menos afl 100,- y tambe placa larga. E dos atracadornan lo a huy direccion pabao.
Un rato despues patruya di strandpolitie lo a haya placa larga tira riba caminda direccion Bushiri.
Atracoteam a presenta na e sitio , tambe polis technico y departamanento di slachtofferhulp.
Cuerpo Policial ta haci un apelacion es cu a wak algo of sa algo jama e tiplijn cu ta 11141.

•