Candela den oranan di madruga den camber di un cas na Concordiabergweg

Diaranzon madruga a drenta informe di cu tin un camber ta na candela na un cas na Concordiabergweg 19, mesora a dirigi tanto polis como bombero na e sitio. Na yegada di patruya a tuma nota cu bomberonan ya caba ta na e sitio y ta bringando cu un candela den un camber banda pariba di e cas cual tabata sacando hopi huma. Segun e bomberonan e matras a sende candela y e candela a pega e schrootjesnan tambe na candela. E donjo di e cas a bisa cu varios cos cu a wordo haya den camber entr otro e speakernan tabata den e sala y cu posiblemente aki lo ta trata di un intento di kiebro cu ladronicia of un kortsluiting. Recherche hunto cu e departamento di investigacion technico y forensyco a keda di bay den oranan tempran di mainta pa investiga y logra saca afor ta kiko a sosode!

Share:

Leave a Reply

Your email address will not be published. Required fields are marked *