Fin di siman di D.I.Y.’s na Cosecha San Nicolas

ORANJESTAD, ARUBA (Augustus 19, 2020) – Cosecha San Nicolas ta habri e weekendnan venidero unda lo tin posibilidadnan pa DIY’s. D.I.Y. ta significa “Do-It-Yourself” na ingles y ta un actividad creativo unda cu bo mes por traha un piesa di arte of artesania cu instruccion basico.

Pa e weekendnan di D.I.Y., Cosecha ta ofrece e oportunidad pa pinta bo tote bag. Door cu e ta un D.I.Y., bo mes por traha y pinta bo diseño pero personal di Cosecha tambe ta presente pa duna support den crea un diseño si ta necesario. E D.I.Y. aki ta un actividad pa por ejempel muchanan di scol cu tin vakantie, pa grupo di famia of amigonan cu ta gusta hasi D.I.Y.’s.

Cosecha ta invita bo pa bin atende nan weekendnan di D.I.Y. Lo acepta walk-ins, pero Cosecha ta sugeri pa RSVP pa asina bo por sigura bo cupo. Tin oportunidad pa hasi D.I.Y.’s durante e weekends di 21, 22, 28 y 29 di augustus, di 12.30 PM-6.30 PM den e Creative Center na Cosecha San Nicolas. Prijs pa un D.I.Y. ta AWG 20.00 y ta inclui refreshment y chips. Tambe tin otro opcionan di D.I.Y. manera pinta magneet pa riba frigidaire, traha ornamento cu driftwood pa colga, pinta un spaarpot y mucho mas.

En conexion cu e situacion di Covid 19, Cosecha a prepara su tienda di San Nicolas y su team pa por opera den e situacion actual di Covid 19 manteniendo nan mes na e guidelines necesario. Meta ta sigura publico cu kier bishita e tienda cu Cosecha su personal y su bishitantenan por wanta nan mes na e normanan nobo di Covid 19.

Pa mas informacion por tuma contacto cu Cosecha Oranjestad na telefoon 5878709 of Cosecha San Nicolas na 5878708. Tambe por bishita e Facebook page di Cosecha: www.facebook.com/Aruba-Cosecha.

Share:

Leave a Reply

Your email address will not be published.