Por poco polis a gara e ladron!
Diasabra madruga a drenta informe di cu tin un ladron den Botica Dakota na Avenida Milio Croes, mesora a dirigi patruyanan di Oranjestad na e sitio. Na yegada di e patruyanan a nota cu e plachinan di zink tabata lanta na e parti patras. Nan a kere cu ainda e ladron por ta den e lugar ya cu e alarma a indica cu e ladron a drenta paden. E doño di e botica tambe a ser avisa y un personal a presenta cu e yabi pa drenta paden y check. Despues di un revision completo den e lugar a bin confirma cu e ladron no ta paden mas. Polisnan a bay busca den vecindario y na dado momento a nota un persona core cruza e caminda bay direccion di Pedro Gallegostraat. Polis a busca den tur e area eybanda pero no a encontra e sospechoso. E persona encarga cu e botica a keda di traha un lista di locualnan a ser horta.
