Premier Evelyn Wever-Croes: EXITOSO CUMBRE VIRTUAL CU PROFESIONALNAN HOBEN

Diahuebs ultimo, Premier Evelyn Wever-Croes a organisa un cumbre virtual cu hobennan profesional pa delibera riba e negosacionnan cu Hulanda. Durante e cumbre, Premier Wever-Croes den su introduccion. a splica cu desde cu a hayae condicionnan di Hulanda dia 6 di juli a organisa 6 cumbre, y cu esaki ta di 7 cumbre. E meta di e cumbrenan ta pa dunainformacion, y scucha preocupacionnan cu ta biba den comunidad.


Durante e cumbre a duna splicacion extenso di e situacionfinanciero di nos pais, y cuanto “rosea” financiero nos tin ainda. Director di Departamento di Finansas sr. Derick Werleman, a duna splicacion extenso den su presentacion“Rosea”. Segun Premier Evelyn Wever-Croes ta hopiimportante pa tur hende cu kier delibera riba e topico aki, tin e informacion corecto.


Sr. Carlos Guaimo, consehero na Directie Wetgeving enJuridische Zaken a elabora riba e aspectonan huridico di e condicionnan di Hulanda. Ta importante pa tur hendecompronde e implicacionnan huridico di e condicionnan.


Chief Innovation Officer Varelie Croes a elabora riba e Masterplan pa reactiva nos economia, Reposicionando Rumbodi nos Pais. Esaki ta importante pasobra Aruba mes a delineacual ta e rumbo cu mester cana pa reactiva nos economia y esaki den lineanan grandi ta igual cu e ‘landspakket’ cu Hulanda kier impone.


E hobennan profesional cu a registra por a haci pregunta y mester remarca cu nan a haci hopi pregunta. Tur preguntatabata hopi bon, mustrando cu tin hopi interes bou di noshobennan pa e tema aki. E hobennan tabata preocupa pa e efecto cu e condicionnan aki tin riba autonomia di pais Aruba y e consecuencianan di esaki. Tambe tabata tin preguntananriba e papel cu Parlamento y Gobierno lo tin si acepta tur e condicionnan.


Finalmente e hobennan kier a sa kico lo pasa si no acepta e condicionnan. Premier Wever-Croes a sigura nan cu e lo no permiti cu nos pais ta kibra economicamente nifinancieramente, pasobra esey si lo kiermeen e fin di nosautonomia. Locual cu Gobierno ta haciendo ta negocia cu Hulanda, y tin algun siman ainda pa haci esaki, pa yega na un solucion cu ta den beneficio di tur ciudadano di pais Aruba.


“E hobennan a keda hopi agradecido di a wordo envolvi den e cumbre aki y cu nan voz por a wordo scucha”, Premier Evelyn Wever-Croes a duna di conoce.

Share:

Leave a Reply

Your email address will not be published. Required fields are marked *