Diabierna anochi a drenta informe di un bringamento cu cuchiu y machete na un adres na Seroe Janchi, mesora a dirigi varios patruya na e sitio. Na yegada di e prome patruya a bin compronde cu un di e sospechosonan a caba di bay for di e sitio den un Suzuki Swift color shinishi. Mesora otro patruya a topa e vehiculo aki un poco mas pabao y a atende esnan envolvi. Polis a intermedia den e asunto y a conpronde cu solamente tabata trata un caso di menasa pero ningun persona a ser lesiona. Polis a informa esnan envolvi cu nan lo mester bay recherche pa entrega keho.
