Ladron a kibra bentana di auto pero bisiña a strob’e di drenta horta

Diahuebs madruga a drenta informe di cu tin un persona sospechoso banda di un auto na Moko, mesora a dirigi un patruya na e sitio. Na yegada di e patruya a bin compronde cu aki un bisiña a tende cacho ta blaf y a wak via bentana y a tuma nota di un persona sospechoso banda di e auto di su bisiña y a cende un lus di pafo. Esaki a pone cu e sospechoso homber flaco largo flanel blauw scur of preto y bisti cu un short lo a sinti su mes descubri y move bay sin pasa man pa e placa larga ni nada di valor. Polis a purba hala atencion di e habitantenan victima pero ningun a responde. E bisiña a keda pendiente pa avisa esnan afecta y den oranan di mainta lo avisa polis. Mientrastanto polis a busca den e area di Moko pa wak si ta mira e sospechoso pero sin resultado. Si por tin un bisiña cu por a mira e movecion aki riba nan camara di seguridad sea asina bon di facilita polis e evidencia aki. Algun minuut prome cu 4’or.

Share:

Leave a Reply

Your email address will not be published.