Diadomingo madruga a drenta informe di un caso di maltrato unda un homber a agredi un muher y a bente for di auto na Hooiberg y e agressor mes a sigui core bay pabao den un auto blanco cu su glasnan scur. A alerta tur patruya cu si nan mira un auto blanco cu glasnan scur bayendo pabao para esaki y control’e. Un patruya na caminda bayendo pariba riba E.J. “Watty” Vos blvd na altura di Tanki Leendert a nota un vehiculo identico bayendo pabao, mesora e patruya a bira bay pabao pero despues a perde for di bista. Un rato despues a bin topa cu e vehiculo aki na Noord para na un cas y su motor ainda un poco cayente. Polis a atende cu e chauffeur pero como no tabata mucho cla unda e victima lo a bay polis a djies tuma su datonan.
