Zr. Ms. Groningen un biaha mas ta interseptá transporte di droga.

Zr. Ms. Groningen un biaha mas ta interseptá transporte di droga. E Barku Hulandes di Marina S.M. Groningen pa di dos biaha den un tempu kòrtiku a interseptá un transporte di droga. Den Laman Karibe e barku di patruya djabièrnè último a obligá un go-fast pa stòp, Den esaki e barku a bolbe interseptá un lote grandi di kokaina. Esaki tabata pa Groningen e di dos lote di droga den tres dia ku a keda gara. Un avion di marina di e patruya di Wardakosta den Region Karibe, e Dash-8, a descubri un go-fast. Riba esaki S.M. Groningen aser notifica. Inmediatamente el a drenta akshon cu 2 boto rapido FRISC. Abordo di esakinan tabatin e team di Wardakosta Merikano y Kuerpo di Marina. Nan a stop esnan ku tabata abordo di e go-fast y a intersepta e droga y a confisca esakinan mientras a detene e sospechosonan. Ta kalkulá ku den e akshon aki tabatin 465 kilo di droga paketa. S.M. Groningen for di yüni 2020 ta e barku di patruyahe den Region di Karibe y ta activo den e region, combinando operacionan antinarcotico ku sosten di Wardakosta de Region Karibe. Siman pasá Groningen a interseptá kaba 455 kilos di cocaina.

Share:

Leave a Reply

Your email address will not be published.