Diaranzon atardi laat a drenta informe di un caso di maltrato tumando lugar na Linear Park banda di Camacuri, mesora a dirigi patruyanan na e sitio. Na yegada di e patruya a bin topa cu e dama agredi y a compronde cu e homber cu lo a maltrat’e a caba di bandona e sitio direccion Wayaca mientras a pidi pa un ambulans bin atende e dama. Un di e patruyanan a bay na Wayaca topa e agressor y a detene. Na yegada di e ambulans nan a atende e dama na e sitio mes. Pa asombro di tur esnan presente polis a detene e dama tambe (motibo di detencion di e dama ta desconosi pero e tambe nan a pone boei na su mannan y a bay cun’e na warda di polis.
