4 Persona herida den un accidente frontal na Ponton

Un victima a keda pega den auto, e equipo di rescate di bombero a bay pa liber’e. Su situacion ta critico!

Diahuebs anochi a drenta informe di un accidente frontal cu hende pega den auto na altura di Wema na Ponton, mesora a dirigi tanto polis, ambulans como tambe e equipo di rescate di bombero na e sitio. Na yegada di e patruya a bin compronde cu e Suzuki Grand Vitara biniendo di nort a bay pa bira na man robez pero no a duna preferencia na e Toyota Tercel cu tabata bini zuid y nan a dal frontal. Den ambos auto en total tabata tin 4 persona herida. N yegada di e ambulans mesora a cuminza atende e victimanan mientras cu na yegada di e equipo di rescate di bombero a bay corta e auto pa asina libera e chauffeur di e Tercel kende tabata pega den e auto seriamente herida. Ambulans a atende e victimanan y a transporta nan pa hospital. E cruzada a keda basta rato sera pa asina por a investiga e causa exacto di e accidente.

Share:

2 thoughts on “4 Persona herida den un accidente frontal na Ponton

  1. Tremendo professional??? Prome cu ma yega e side aki ma subi http://www.24ora.com despues ma bin aki pa wak den otro angulo, pero si ba yega prome na e sitio no ta kita derecho pa e otro periodistanan hasi nan trabou….hopi mahos

    1. Esey tabata e reaccion pasobra esaki ta di 3 biaha nan ta acerca unda nos ta para y ta bin papia duro cerca di unda nos ta, strobando nos. Nan no ta respeta!

Leave a Reply

Your email address will not be published.