Polis a detene trio di hoben cu bay Mabon cu arma di candela pa regla cuenta cu un otro hoben

Diadomingo atardi drenta informe di cu tin un auto cu 3 hoben arma cu arma di candela y cu a yega pa regla cuenta cu un otro hoben na Mabon, mesora a dirigi patruyanan na e sitio. Pa suerte e momentonan ey e patruya como tambe e helicopter tambe tabata den cercania. Net e patruya ta yega e hoben a sali bisa polis pa bay tras di e auto blanco ey, eseynan ta arma cu pistol y kier a regla cuenta cu n’e. Polis mesora a bay tras di e Mitsubishi Lancer blanco A22556, a start un persecucion direccion pariba. E helicopter a intercepta nan y a vigila e movecion for di den halto y cu ayudo di un otro patruya a logra para e vehiculo dilanti di E.P.B. Sanicolas. Prome cu a logra para e auto for di halto esnan den e helicopter a nota cu esnan den e auto a tira algo pafor di e auto. Cual muy probablemente ta un arma di candela. Polis a detene tur 3 hoben y a pidi transporte pa hiba nan na warda di polis y un takelwagen pa hiba e vehiculo confisca. Ora cu a termina polis a bay busca rond y cu ayudo di voluntarionan a logra encontra e pistol y polis a confisca esaki. Un bon trabao y un tactica excelente a atende y resolve e caso aki rapidamente.

Share:

Leave a Reply

Your email address will not be published.