Diahuebs anochi a drenta informe di un caso di maltrato den Guyabastraat, mesora a dirigi patruya na e sitio. Na caminda pa e sitio a drenta otro informe cu e problema a move pa Milonstraat bandi misa di Dakota. Na yegada di e patruya na e sitio a bin compronde cu un motociclista lo a bira dilanti un automobilista y debi na esaki a start un discussion. E discussion aki a escala te bira agression cu machete y palo unda 2 persona a resulta herida y e motociclista agresor mes a bandona e sito. Polis a pidi presencia di ambulans pa atende cu e personanan herida cu corta na man como tambe kap na cabez. Na sitio tambe a confisca e vehiculo como cu esaki tabata tin danjo fisico riba dje y tambe e tire a ser bora. Ambulans a bini na e sitio y a transporta ambos herido pa hospital pa tratamento.
