Indice di Prijs di Consumo, base Juni 2019 Augustus 2020

Oficina Central di Estadistica ta presenta e resultadonan principal di e Indice di Prijs di Consumo
(CPI) pa luna di Augustus 2020.

Indice di Prijs di Consumo pa luna di Augustus 2020
E CPI pa luna di Augustus 2020 ta 100.66, loke ta representa un subida di 0.6% compara cu e
indice di Juli 2020 (100.10) y acumulando un caida di 1.0% te cu na Augustus di e aña aki.
E cambio di e CPI pa e ultimo diesdos (12) lunanan (Augustus 2019 te cu Augustus 2020) ta 0.9%,
un caida di 3.1 ppt compara cu e periodo corespondiente di aña pasa (4.0%).
E promedio anual di e tasa di inflacion pa e periodo di Augustus 2019 te cu Augustus 2020 ta
3.0%, un caida di 1.1 ppt compara cu e 4.1% registra den e periodo di Augustus 2018 te cu
Augustus 2019.
Durante e luna aki, ocho (8) di e diesdos (12) sectornan a registra subida di prijs. E subidanan cu
tawata tin e mayor efecto riba e CPI a wordo registra pa e sectornan di “Transporte” (1.9%) y
“Mobilario” (2.0%), causando un efecto di 0.23 y 0.14 ppt, respectivamente. E subidanan den e
restante sectornan a contribui cu un efecto di 0.25 ppt riba e CPI di Augustus 2020.
E subidanan aki a wordo contraresta parcialmente door di un caida den e indice di e sector di
“Cuminda y bebida no-alcoholico” (-0.3), cu a contribui cu un efecto di -0.05 ppt riba e CPI di
Augustus 2020. E caidanan den e restante sectornan a contribui cu un efecto di -0.01 ppt riba e
CPI di Augustus 2020.
E subida den e sector di “Transporte” a wordo causa door di subidanan di 3.7% y 1.0% den e
categorianan “Compra di vehiculo” y “Gasto relaciona cu uso di vehiculo di transporte
personal”, causando un efecto di 0.16 y 0.07 ppt, respectivamente. E subida den e sector di
“Mobilario” a wordo causa principalmente door di un subida den e categoria “Aparato pa uso
domestico” (15.1%), causando un efecto di 0.17 ppt.
E caida den e sector di “Cuminda y bebida no-alcoholico” a wordo causa door di un caida den e
categoria “Cuminda” (-0.4%), causando un efecto di -0.06 ppt.
Canasta di consumo
E canasta di consumo di e CPI ta consisti di 408 bienes y servicionan. Compara cu Juli 2020,
34.1% di e bienes y servicionan aki a conoce un aumento di prijs causando un efecto di 1.25 ppt,
mientras cu 27.2% ta mustra un caida di prijs, cu a contribui cu un efecto di -0.69 ppt y pa e
restante 38.6% no tawata tin cambio den prijs. Prijsnan di bienes a subi cu 1.1% y a causa un
efecto di 0.63 ppt. Prijsnan di servicionan a conoce un caida di 0.2% y a causa un efecto di -0.07
ppt riba CPI di Augustus 2020.
Core inflation
E CPIC (core inflation) – CPI excluyendo e efecto di energia y cuminda – a registra na Augustus
2020 un subida di 4.4%. E indice di energia – cu ta consisti di e productonan: electricidad, awa,
gasolin y diesel a registra un caida di -5.9%. E indice di cuminda a registra un subida di 6.8%.
Bestaansminimum
E bestaansminimum pa un hogar consistiendo di dos (2) adulto y dos (2) mucha (edad 0-15 aña)
na Augustus 2020 ta Afl. 4,979, un caida di Afl. 2 compara cu Augustus 2019 (Afl. 4.981). E
bestaansminimum pa un hogar di un (1) adulto ta Afl. 2,371, un caida di Afl. 1 compara cu
Augustus 2019 (Afl. 2.372).

Share:

Leave a Reply

Your email address will not be published. Required fields are marked *