Double The Fun: Garage Centraal ta anuncia cu premio ta bira un UTV pa 4 pasahero pa luna di october

ORANJESTAD – Diabierna mainta mainta, den presencia di notario Yarzagaray, Garage Centraal Aruba a haci e sorteo di e UTV cu a ser anuncia como premio entre esnan cu a cumpra un auto nobo na e dealer aki den e luna di september

E ganador a resulta den persona di Vivi Croes, cual a ser contacta poco despues di finaliza e live casting cu a ser transmiti live via facebook conhuntamente cu 24ora.com, y a pasa bishita Garage Centraal poco despues pa inicia e proceso di tuma posesion di su UTV nobo.

Como anuncio adicional, Garage Centraal Aruba a anuncia cu e promocion aki lo ser ripiti cu un otro UTV pa luna di October, a diferencia di e tres ultimo premio cual tabat UTV di 2 pasahero, e UTV pa luna di october ta uno pa cuater persona. Esaki ta e motibo pa cual ta ser describi como “Double the Fun”

Entre esnan cu completa e compra di un auto na Garage Centraal den luna di october lo ser rifa e 4-Seater UTV aki. Tur esnan cu busca un auto nobo Hyundai, Isuzu of Volkswagen durante e luna lo cualifica pa drenta den e sorteo pa e luna di october, cual lo tuma lugar den e prome 5 dianan di november.

E promocion aki, según Rodney Kock, Marketing Manager di Garage Centraal Aruba, ta agrega ainda mas beneficionnan pa esnan cu dicidi di busca un auto nobo den e temporada aki. Tin prijsnan special den autonan selecta manera e Hyundai Grand i10 Sedan, y esaki ta un di e variacion amplio di autonan tanto Hyundai, Isuzu como Volkswagen, disponibel na Garage Centraal Aruba, tur cu respaldo di servicio solido.

E invitacion ta keda pa un y tur pasa bishita Garage Centraal Aruba su showroom, check un di e autonan nobo disponibel, y keda pendiente pa e resultado di e sorteo, unda lo por bira e ganador di un UTV nobo.

Share:

Leave a Reply

Your email address will not be published.