Hoben a bay na un cas pa cumpra un celular pero ora ela haya esaki den su man ela sali core bay sin paga

Polis a topa cu e auto na Moko y a detene 2 sospechoso mientras cu e di 3 a logra core bay.

Diamars atardi a drenta informe di un caso di ladronicia unda e sospechosonan a comete un ladronicia y a huy den e Nissan Cube A10187. Ta asina cu un hende na Malmokweg un hende kier bende un celular y a pone e anuncio di e venta aki riba un portal. Un interesado a yama y a palabra cu e bendedor pa e cumprador por bay cerca e bendedor. Na momento di e cumpramento e supuesto cumprador a haya e celular den su man y esaki a core sali bay sin paga y a subi den e Nissan Cube A10187. Mesora Central di Polis a emiti un boletin pa tira bista riba e auto aki. Un patruya atento a logra para e auto aki na Moko pero e 4 sospechosonan cu tabata den e auto a core bay. Polis a core nan tras y a logra captura 3 di nan y a confisca e auto. Di e 3 nan captura un di nan a ser laga den libertad pero e otro 2nan si a ser deteni. E sospechoso cu a core bay ta un conosido di polis y un momento of otro lo capture.

Share:

Leave a Reply

Your email address will not be published.