Diaranzon atardi a drenta informe di un cas na candela na Seroe Blanco, mesora a dirigi tanto polis como bombero na e sitio. Na yegada di e bomberonan mesora a tuma nota di e candela riba e dak di cas y a subi riba e dak pa paga esaki. A bin resulta cu durante cu tabata drechando e dak di e cas e cylinder di gas chikito lo a explota y a cuminza un candela grandi. Bomberonan a paga e candela pero e dak di e cas a keda cu daño.
