Dialuna mainta trempan nos a haya bishita di sra. Anuesca Baly. Directora Astrid Britten a invita sra. Baly, directora di SKOA, pa un entrega di e publicacion nobo ‘Oro Ubao’. Un publicacion special pa biblioteca su Festival di Buki pa Mucha.
Sra. Baly a haya un presentacion riba e buki y sra. Baly por a mira mucha mas den exposicion tocante di e buki. ‘Oro’Ubao’ ta un buki pa mucha cu tema di Historia y 16 storia y poema historico.
Sra. Baly tabata contento cu e presentacion di e buki y a keda hopi interesa pa sa mas di Festival di Buki pa Mucha cu ta habri otro siman diabierna dia 30 di october na Aruba.tv, Canal 49.
E festival mes ta tuma lugar di dia 2 pa dia 6 di november y tur scol lo por wak e presentacionnan via e website di biblioteca of su canal na YouTube. Scolnan participante por busca un tas cu pakete di informacion na bibioteca entre 8or di mainta cu 5or di atardi.
