KIWANIS CLUB OF ARUBA A INSTALA SU DIRECTIVA 2020 – 2021

Recientemente, Kiwanis Club of Aruba a instala nan directiva nobo den un forma diferente. Miembronan di e directiva a bini hunto na Hyatt Place Aruba Airport Hotel y e demas miembronan di e club y invitadonan por a mira e instalacion di e directiva nobo en bibo via e plataforma di Zoom. 

Despues cu e Presidente saliente di Kiwanis Club of Aruba, Edalitza Weller, a habri e anochi oficialmente, a sigui cu e invocacion lesa pa Manaaf Badloe. E obhetivonan di Kiwanis International a wordo presenta pa Gay Sherida Spellen.


Pa instala e directiva nobo, mester a tuma despedida prome di e directiva anterior. 

Presidente saliente Edalitza Weller a elabora riba e dos terminonan consecutivo cu e la fungi como presidente y tur e proyecto-, donacion- y e logronan cu a wordo realisa pa e comunidad di Aruba. Tabata tin un presentacion di video cu tur e 12 proyectonan realisa durante e aña Kiwanistico 2019 – 2020, cu a trece un total di 2,684 ora di servicio comunitario. Presidente saliente Edalitza Weller a gradici e directiva saliente y e club completo pa nan dedicacion, amor y e bon trabou cu nan a realisa. E instalacion di e directiva a ser realisa door di Lieutenant Governor pa Division 26 di Kiwanis International sr.Patrick Melchiors kende a pin e directiva nobo, cual tin comotarea pa guia nan club den e aña Kiwanistico 2020 – 2021.

E directornan di Kiwanis Club of Aruba ta Ryan Kock, Carol Kelly, Sigrid Hammelburg, Gay Sherida Spellen y Tracey Werleman. E club tin como Secretario Edbert (Ebby)Schwengle, como Tesorero Norma Brinkenberg-Spellen, comoPresidente saliente Edalitza Weller, como Segundo Vice-Presidente Indra Anthony Pereira, como Prome Vice-PresidenteJokoeza Hooplot y como Presidente Ingmar Ramharakh.

Presidente saliente di Kiwanis Club of Aruba, Edalitza Weller, a duna reconocimento na tres miembro pa e aña Kiwanistico 2019 – 2020. “Kiwanian of the Year” a wordo otorga na Carol Kelly mientras cu “Rookie of the Year” a keda den man di Tracey Werleman. E ultimo reconocimento di “President of the Year” a wordo otorga na Ryan Kock. 

E club a presenta un reconocimento na Edalitza Weller pa suexcelente trabou realisa durante e dos añanan Kiwanistico 2018- 2020. Kiwanis Club of Aruba a duna un reconocimento tambena sr Robert Spellen pa su trabou realisa como “Governor of the Eastern Canada & Caribbean District” di Kiwanis International pa e aña Kiwanistico 2019 – 2020. 

Pa finalisa e anochi, e maestro di ceremonia cu ta e “Distinguished Lieutenant Governor” Giantonio Muller a duna oportunidad na tur miembro y invitado, sea den persona of via Zoom, pa trece nan palabranan di bon deseo pa e directiva nobo.


Kiwanis ta un organisacion global di boluntario dedica na mehora mundo y tin como lema: sirbiendo e muchanan di mundo. Pa mas informacion di Kiwanis Club of Aruba por bishita nan pagina web na www.kiwanisclubofaruba.org.

Share:

Leave a Reply

Your email address will not be published. Required fields are marked *