![](https://www.awe24.com/wp-content/uploads/2019/11/2E3A7180-A989-4FB0-ACED-4633F5E0D909-668x334.jpeg?v=1572706619)
Diasabra madruga a drenta informe di un accidente panort di e Kazerne di Bombero na Tanki Flip, mesora a dirigi un patruya na e sitio. Na yegada di e patruya a nota con un takelwagen a yega para di tal forma pa lanta e auto, ademas polis a wak e auto Chevrolet Aveo A60394 kibra banda drechi dilanti y un palo di luz full kibra benta abao. Ora polis a yega cerca di e chauffeur di e auto a nota cu esaki lo ta bao influencia di alcohol y mesora a detene pa a ocasiona un accidente estando bao influencia di alcohol y a confisca e vehiculo. Afortunadamente ningun hende a resulta herida.