Diaranzon mainta a drenta informe di cu un dama cu tabata canando riba e strip dilanti e hotelnan a sak den otro y a dal abao dilanti di Blue residences, mesora a dirigi tanto polis como ambulans na e sitio. Na yegada di e patruya a bin compronde cu e dama hunto cu un otro persona a staciona nan auto na Alhambra y a cana bay direccion nort y dilanti Blue Residences ela bisa cu e ta sinti malo y a sinta un rato riba baranca y despues a dicidi pa bay bek na e auto pero manera no tin biento y tabata calor esaki a pone cu e dama a sak den otro. E amiga a pidi un persona cu net tabata den cercania pa yud’e hala su amiga pon’e un banda y yama ambulans. Na yegada di e ambulans nan a atende e dama y a nota cu e mester un sondeo mas extenso y a bay cun’e na hospital.
