Auto a perde control dal den mata banda di caminda kibra den dos, e impacto a resulta fatal despues cu esaki a tira e chauffeur for di e auto

Diaranson anochi a drenta informe di un accidente pisa y serio riba caminda di Camacuri unda un auto lo mester a bolter. Mesora a dirigi tanto polis como ambulans pa e sitio. Na yegada di patruya na e sitio a bin constata cu enberdad aki ta trata di un accidente basta pisa unda un auto lo a perde control, dal den mata, kibra den dos y bolter tirando e chauffeur for di e vehiculo. A pidi presencia di ambulans cu sumo urgencia como tambe a pidi unidad extra pa sera camindanan pa evita trafico pasa riba remspoor y pa por traha libremente. Na yegada di ambulans a check cu e victima cu tabata sangrando profusamente y cu no tabata reacciona y a pidi presencia di dokter. Na yegada di e dokter na e sitio a constata morto di e victima. Lamentablemente e accidente aki tabata uno basta grave cu resultado fatal. Nos di awe24.com ta extende palabranan di condolencia na famianan di e fayecido.

Share:

Leave a Reply

Your email address will not be published. Required fields are marked *