Diabierna mainta durante di control di taxi pirata, polis di bario di Oranjestad a para un Toyota Passo silver A77857 na Emmastraat cual tabata transportando un persona cu ela lanta na Ponton. Polis a papia cu e pasajero y a admiti di a paga 3 Florin pa a recoge e pasajero y hibe Oranjestad. Ta trata aki di e dama di fam Inocencia pero no tabata innocente den violacion di leynan di transporte publico unda e tabata transportando persona illegalmente y esaki tabata suficiente pa a detene y confisca su auto y tur e placa cu ela genera te na e momentonan ey cu taxi-piratismo! Takelwagen a presenta y a bay cu e auto den beslag mientras e dama deteni a ser hiba warda di polis pa interrogacion! E accion contra taxi pirata ta sigui y cu tur e peso di ley! E taxi piratanan aki mester stop AWOR!
