Dialuna anochi a drenta informe di cu un testigo a mira 2 persona full na preto bisti y cu hoodie den un forma hopi sospechoso drenta He Market na Monserat, mesora a dirigi patruyanan na e sitio. Na caminda pa e sitio a drenta informe pa nan bay cu mas urgencia pasobra aki lo ta trata di un atraco arma. Na yegada di e prome patruya a bin compronde cu 2 persona flaco color scur papiando papiamento y bisti full na preto a presenta cu arma di candela y a comete e atraco. Un di e sospechosonan tabata cu un shirt di Nike y e otro tabata tin un jacket preto cu algun cos blanco riba dje. nan lo a core bay direccion pabao. Polisnan a rondea den full e area y a para varios auto y personanan sospechoso pero no a logra di topa cu e atracadornan. Atraco Team di Polis a ser avisa y a bay na e sitio pa tuma e investigacion over.
