Diadomingo atardi a drenta informe di un accidente cu hende herida na Avenida Milio Croes, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e manehador di un chubato a bay bira pero den e maniobra aki e tractor aki a paga y e manhador no por a controle mas te cu ela bay dal frontal riba un s.u.v. Debi na e impacto susto a dal e dama chauffeur. Na yegada di e ambulans nan no mester a transporta ningun hende pero si a papia pa calma e dama.
