Chauffeur burachi a ser deteni pa a ocasiona accidente, unda un dama y un baby a resulta herida.

Diadomingo anochi a drenta informe di un accidente cu hende herida na e rotonde banda di Superfood, mesora a dirigi tanto polis como ambulans an e sitio. Na yegada di e patruya a bin compronde cu aki ta trata di un accidente unda cu e chauffeur di e Ford Edge no a duna preferencia na e Mazda cu tabata riba e rotonde y a bay dal riba e Mazda, e Edge a reverse y a bolbe dal un biaha mas riba e Mazda. Polis a detene e chauffeur di e Edge pa core auto bao influencia di alcohol y ocasiona un accidente cu hende herida. Debi na e dobbel impacto aki e baby sinta patras a cuminza llora mientras e mama dilanti como pasahero tambe tabata keha di dolor. Na yegada di e ambulans nan a atende e mama como tambe e bay y a transporta ambos pa hospital.

Share:

Leave a Reply

Your email address will not be published.