Tur ayudo lo yuda nos muchanan den necesidad

ORANJESTAD – E organisacion di servicio comunitario Aruba Onehappy Island Lions Club ta haci un invitacion na comercio di Aruba y tur trahador pa haci un donacion na e Jingle Bells Charity Drive pa yuda nos muchanan den necesidad. Nos ta den temporada di fin di aña caminda famia ta uni hunto den celebracion di Pasco y Aña Nobo. E pandemia a causa dolor na hopi famia y varios ta esnan cu a bay atras den entrada of hasta perde trabao. Esaki a haci e situacionmas dificil den hogar di esnan di menos recurso y tin su consecuenciapa muchanan cu ta forma parti di e hogarnan aki. Hopi bes pa motibo cu no tin espacio financiero nos muchanan no por haya un regalo pa e dianan di fiesta. Muchanan tin sentimento y como mucha bo ta desea di ricibi un regalo. Aña pasa Aruba One Happy Island Lions Club a organisa un cena di pasco cu show pa un grupo grandi di muchanandi menos recurso. E aña aki e situacion ta diferente mirando e pandemia di covid19 y mester ta creativo. Pa e motibo aki a bin cu e idea pa organisa un Jingle Bells Charity Drive caminda pueblo porpasa y haci nan donacion. Cu e fondonan recauda lo cumpra regalopa nos muchanan den necesidad. Aruba One Happy Island LionsClub ta haci un invitacion special na comercio y trahadornan pa haciun donacion, tur ta yuda pa nos yuda nos muchanan den necesidad. Den e temporada aki nos tin e oportunidad pa comparti cu nosprohimo. Cu bo donacion sea chikito, mediano of grandi bo ta yudatrece alegria y sonrisa pa nos muchanan di menos recurso. Diasabraawo 12 di december Aruba One Happy Island Lions Club ta organisa“Jingle Bells Charity Drive” na Plaza Betico Croes den Rumbastraat. Un bunita

obra caricativo cu lo inicia for di 1 or di merdia te cu 6 or di atardi na Plaza Betico Croes den Rumbastraat caminda bo por pasa y haci bo donacion pa muchanan di famianan den necesidad. 

Por haci donacion tambe na cuenta di Arubabank 6005880190 Aruba One Happy Island Lions Club menciona Jingle Bells Charity Drive. Pa mas informacion por tuma contacto cu ohilclubaruba@gmail.com. Tur donacion ta yuda y si cada uno yuda nos ta yega e meta y nosmuchanan den necesidad ta wordo beneficia. Di antemano danki