Diaranson atardi a drenta informe cu tin un trailer na candela na Sabana Basora. Mesora a dirigi tanto polis como bomberonan na e sitio. Na yegada di e patruya di leu caba por a nota cu tin hopi acumalation di huma bayendo halto y a pidi pa e bombero bini cu mas urgencia. Na yegada a bin resulta cu un trailer cual tin pertenencianan den dje y cu tin instalacion di conriente propablemente pa un corta circuito esaki lo a pega na candela y a kima tur cos den e trailer. Alrededor binti mil florin na daño. Tambe e candela a causa daño na un airco di un cas y tambe un pida mondi cu tin patras di e cas. Tabata tini un mucha di ocho aña a cana trapa riba un pida tabla cu tabata na candela cayente y a kima su piya. Ambulans a presenta y a bai cu e mucha na hospital.
