Diahuebs mainta a drenta informe di un caso di intento di kiebro Na Subway Ponton. Mesora a dirigi un patruya na e sitio. Na yegada di e patruya por a compronde cu un persona desconoci a manda bloki ariba e glas pa purba kibra esaki, pero e glasnan aki ta specialmente traha anti kiebro y pesey e no a logra. Aparentamente despues di varios intento y causa hopi daño riba e glas toch e no a logra y e ladron a bandona e sitio. Polis a tuma datos ademas di un grabacion di un camara di seguridad den cercania a capta tur e movecion. Investigadornan technico y forensico tambe a yega na sitio pa asina tuma e evidencianan di e daño causa.
