Djies pasobra su cacho encadena por a bula cura y ta riba acera e peaton kier a bula drenta den e cura pa regla cuenta.
Diasabra atardi a drenta informe di cu un peaton a sinti su mes ameneza pasobra e doño di un cacho lo kier agredie cu un biga, mesora a dirigi varios patruya na e sitio. Na yegada di e patruya a bin nota cu e peaton a inventa un storia di cu e doño di e cacho lo kier a agredie cu biga. Ta trata aki di un habitante cu ta un persona masha calmo y no tin problema cu ningun bisiña y cu semper e cacho cual su cadena ta permitie yega te na bula e cura y bula bek paden pasobra e tin un choke-collar cual ta impidie. Pero e cacho tin un instincto di sa ki ora un hende cu mal intencion yega cerca y ta blaf esaki. E doño mes kende ta un experto den Judo y por defende y domina cualkier persona. Polis a papia cu ambos partido y a intermedia den e asunto.
