Draaimento y refmento di auto den Sero Patrishi a hiba polis na detencion di 2 sospechoso cu tabata tin arma di candela den nan poder!

Diadomingo atardi a drenta informe di cu tin un Toyota Tercel shinishi sin number ta blo draai y ref motor y tin e habitantenan fada cu esey den Sero Patrishi, ya caba mas tempran polis a bay pero no a haya e auto concerni. Pero den oranan di atardi a bolbe drenta informe di e buya aki y polis a bay mesora y a logra haya e vehiculo net a para na cas di e chauffeur. Polis cu tactica a atende cu nan y a nota cu ambos ta arma y a detenenan pa posecion di arma di candela. Polis a confisca e armanan y a solicita e investigadornan tecnico y forensyco pa bini y capta e situacion y documente. Polis a transporta ambos sospechoso pa warda di polis pa posecion y portacion di arma sin un permiso pa esaki. A solicita tambe un takelwagen pa bay cu e vehiculo aki.

Share:

0 thoughts on “Draaimento y refmento di auto den Sero Patrishi a hiba polis na detencion di 2 sospechoso cu tabata tin arma di candela den nan poder!

Leave a Reply

Your email address will not be published. Required fields are marked *