Dialuna mainta a drenta informe di un accidente cu hende herida na altura di PriceSmart na Avenida Milio Croes, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di e Kia Optima a bay bira na su man robez pero no a duna preferencia na e Kia sportage di direccion contrario. Debi na e impacto e dama chauffeur di e Kia Sportage a dal su cabez na e windshield y tabata keha di dolor. Na yegada di e ambulans nan a atende e dama na e sitio mes.
